Tharja e rrobave

Para se t’i thani rrobat, është e domodoshme t’i dini këto gjëra:

• Në etiketë lexoni a lejohet tharja me makinë tharëse.
• Kurrsesi mos i thani rrobat që janë të mbushura me lesh sintetik apo me pendla, mund të dëmtohen shumë keq.
• Rrobat e pambukta më mirë është t’i thani në mënyrë të thjeshtë në tel, sepse dielli edhe më mirë do t’i zbardhojë.
• Në diell mos i thani rrobat e mëndafshit, leshit dhe najlonit. Leshi dhe mëndafshi e humb kualitetin, ndërkaq najloni rrudhet dhe prishet.
• Kurrë mos i vëni në dollapin tuaj rrobat e pa tharë mirë.
• Nëse e keni ballkonin nga rruga, gjatë ditës ka pluhur, atëherë rrobat thani natën.
• Perdet, të cilat, ndoshta, nuk kanë nevojë për hekurosje, mos i thani, por vendosni menjëherë në kapëset e duhura, arnishta (shina të perdeve).
• Pasi të thahen rrobat, mos i merrni në krah, sepse ato mund t’iu bien në tokë, por më bukur është që të keni shportën e plastikës.
• Mbasi të thahen rrobat dhe doni t’i ndani dhe palosni, mos i lëshoni në tepih, por lini në ndonjë tavolinë apo çarçaf, sepse sado kudo tepihu dhe kolltukët, zakonisht janë më të përlyera, sepse janë më shumë në përdorim.
• Para se t’i fusni në dollap, ndani rrobat që kanë ndonjë defekt të vogël, nëse keni kohë riparoni aty për aty, nëse nuk keni kohë ndani në një qese najloni, e pastaj kur iu del kohë, uluni dhe qepini. Është më mirë të mos kesh në disponim ndonjë rrobë, e cila do t’iu bëjë nervoz, prandaj mos e vendos në varëse.
• Telat e tharjes duhet të jenë të radhitur, në atë mënyrë që era të depërtojë nëpër mesin e telave, e jo era të thajë vetëm rreshtin e parë të rrobave.

Çfarë këshillon feja islame?

Të nderuar, feja islame na këshillon që fëmijët, kur fillojnë të dinë për vendet e turpshme, atyre u ndalohet, bile, edhe të hynë në dhomën e prindërve pa kërkuar leje, prandaj ka disa arsye pse ne këshillohemi që të kemi kujdes që brekët dhe rrobat që janë më intime të të rriturve, mos të jenë të shpërndara nëpër banjë, për arsye të fëmijëve dhe ndoshta, rastësisht, mund t’iu vijë ndonjë mysafirë dhe kjo vërtetë është turp për ata që kuptojnë.

Po ashtu eleganca juaj dhe karakteri juaj, do të vlerësohet tek rrobat tuaja që i keni shtrirë për t’u tharë, prandaj veshjet e organeve të turpshme, mos i shtrini në rendin e parë të telit, apo nëse veç nuk keni rrugëdalje atëherë mbuloni me ndonjë pëlhurë të hollë.

Motra të nderuara, eleganca dhe bukuria juaj vërehet tek burri dhe fëmijët tuaj, apo njerëzit, të cilët i keni nën kujdesin tuaj, prandaj mos e kurseni kohën për gjëra të mira, sidomos për pastërti, sepse Pejgamberi (paqja qoftë mbi të dhe familjen e tij) ka thënë: “(En-Nedhāfetu nisful-īmān) Pastërtia është gjysma e besimit”. Kjo nuk ka nevojë për komentim, sepse në një shtëpi ku ka pastërti – ka shëndet, Allahu i Madhërishëm lëshon mëshirë dhe të gjithë jetojnë në harmoni…

(Përktheu dhe përshtati: H. Ikballe Berisha – Huduti, marrë nga revista “Kuća Stil”, revista “Vlera”, nr. 1, nëntor/dhjetor 2009, fq. 49)