Këshillat hadithet e Profetit Muhamed s.a.a.a. drejtuar Imam Aliut a,s
Këshillat hadithet e Profetit Muhamed s.a.a.a. drejtuar Imam Aliut a,s
O Ali, veçoritë e besimtarit janë tri: Agjërimi, falja e namazit dhe dhënia e zeqatit. Ai që tregohet si i aftë para njerëzve, mund të njihet përmes tri veçorive: Të bën lajka para syve; të përfletë mbasi që ia kthen shpinën; dhe, kënaqet kur të qëllon ndonjë fatkeqësi.
Zullumqari zotëron këto veçori: Përdor forcën ndaj atyre që i ka nën pushtet; i kundërshton ata që kanë pushtet mbi të dhe bashkëpunon me zullumqarët.
Veçoritë e atij që nuk i përputhen fjalët dhe veprat (rija) janë këto: Para popullit tregohet punëtor dhe i lëvizshëm; kur është në vetmi përton gjithçka, dhe ka dëshirë që të lëvdohet për çdo gjë.
Dyfytyrëshi (mynafiku) zotëron këto veçori: Kur të flasë, gënjen; nëse i mbështetesh, të tradhton; kur ta jep fjalën, nuk e mban.
Veçoritë e dembelit janë këto: Tregohet i plogësht në përmbushjen e detyrës deri në skajshmëri; tregon plogështi deri në masën e shkaktimit të humbjes; dhe tregon plogështi deri sa të meritojë mëkatin.
Për njerëzit e mendjes, arsyet për të dalë në rrugë janë këto: Plotësimi i nevojave jetësore; të drejtuarit kah punët që e sigurojnë Ahiretin dhe arritja e kënaqësive të lejuara.
O Ali, nuk ka varfëri më të madhe se padituria, pasuri më të vlefshme se mendja dhe vetmi më frikësuese se pëlqimi i vetvetes. Asnjë vepër nuk është më e mirë sesa vepra kur merren masat paraprake, asnjë devotshmëri nuk është më e mirë sesa ruajtja prej mëkateve dhe asnjë prejardhje nuk është më e mirë se morali. Gënjeshtra shkatërron të folurit, harresa shkatërron diturinë dhe mirënjohja shkatërron dhurimin.
O Ali, kur ta vëresh hënën e re, thuaj tri herë “Allahu Ekber” الله اکبر)) dhe pastaj lexoje këtë: “Elhamdulil-lahil-ledhi halekani ve halekake ve kadderake menazile ve xhealeke ajeten lil alemin” Falënderimi i takon Allahut, që të krijoi ty dhe mua, i cili për vështrimin tënd i caktoi fazat dhe të bëri shenjë të fuqisë dhe madhërisë së Tij për njerëzit
( الحمد لله الذی خلقنی و خلقک و قدرک منازل و جعلک آیة لالعا لمین )
O Ali, kur të shikohesh në pasqyrë, thuaj tri herë “Allahu Ekber” الله اکبر)) dhe pastaj lexoje këtë: “Allahume kema hassente halki fe hassin hulki ”(اللهم کما حسنت خلقی فحسن خلقی) O Allah, ashtu si e krijove të bukur trupin tim, ashtu edhe natyrën time bëre të bukur.
O Ali, nëse përballesh me diçka që të frikëson, thuaj: “Allahume bi hakki Muhammedin ve ali Muhamedin il-la ferexhte anni”[1] (اللهم بحق محمد و آل محمد الا فرجت عنی) O Allah, për hir të Muhamedit dhe familjes së Muhamedit, më ruaj nga kjo vështirësi.
Marrë nga Libri “Dhuratë Mendjeve”
