HAZRETI FATIME (poezi)
O Fatime, zemër nur
Shërove plagët nën flamur
Nën flamurin e Islamit
Ngrite zërin e Kuranit.
Veprat e tua trimërore
Japin shkëlqime hyjnore
Na mbushin zemrën plot me nur
Na udhëzojnë më shumë sabur.
Sa nënë e dashur ti për ne je
Sa bijë e ndershme për babanë
Sa grua e lumtur për Alinë
O mikesha e Perëndisë.
Jetë të vrazhdë ti kalove
Shumë dhimbje përjetove
Asnjëherë nuk u dëshpërove
Edhe pse u sakrifikove.
Sa herë që hyre në derë
Pejgamberi ngrihej me nder
T’i puthte duart, faqet dhe sytë
E lëshonte vendin që të ulesh ti.
Populli thotë nënë e bijë
Janë mu si hark e dry
Por kësaj here babë e bijë
Allahu i bëri arkë e dry.
Marrë nga libri: “Eja Shpejt“, autore: Ikballe Berisha Huduti, shtëpia botuese “Dielli Pas Reve“, Prishtinë, maj 2015, fq. 119.
Huazuar nga sajti personal i autores.
