FakteIslamologjiMësime IslamePër jetëPsikologjiSociologji

Diskriminimi i grave

Diskriminimi i grave

Të marrësh në konsideratë tërheqjen fizike të grave dhe ti bashkëngjisësh asaj një vlerë komerciale apo sociale, që rezulton në diskriminim , përulje dhe shtypje të tyre, nuk është e pranueshme në një shoqëri islame. Përdorimi dhe shfaqja e trupit të femrës për qëllime reklame apo promovimi të një produkti është konsideruar nga myslimanët si një fyerje për dinjitetin njerëzor. Në perëndim thuhet shpesh se veshja e grave myslimane ‘’ është një dhunim i të drejtave të tyre’’, por myslimanët besojnë se dhunimi i vërtetë i të drejtave të njeriut është bërë me ndalimin, në disa vende perëndimore të veshjes islame nëpër shkolla dhe vende pune.

Ky është një dhunim i hapur i të drejtës së mendimit dhe besimit, që janë nënkuptuar në të drejtën e edukimit, si dhe po ashtu edhe në punën e paguar. Ato përbëjnë një shtypje të hapur të të drejtave të grave për vullnet të lirë, përfshirë këtu edhe ushtrimin e besimit të tyre.

Ata, gjithashtu, inkurajojnë diskriminimin e femrës myslimane dhe abuzimin me të nga ana e shokëve të klasës apo të bashkëpunëtorëve. Me këtë, zhvillimi i saj akademik mund të pengohet që në moshë të hershme, kështu që kufizohet zhvillimi profesional dhe aftësimi i saj.

Të drejtat e gruas nga pikëpamja islame janë interpretuar me vlerat e saj si qenie humane, sipas aftësive dhe cilësive të saj, duke mënjanuar tërheqjen seksuale në çdo lidhje sociale, komerciale apo profesionale. Islami e sheh diskriminimin ndaj grave myslimane në vendet perëndimore  si një padrejtësi. Gratë myslimane përqeshen apo nuk pranohen, sepse ato mbulojnë trupin e tyre dhe refuzojnë të shfaqin aspektin e tyre fizik, në publik si bazë të një marrëdhënie shoqërore të çdo natyre.

Në të kundërtën, shfaqja e trupit të femrës jo vetëm që është lejuar, por është miratuar në konkurse bukurie madje dhe duke inkurajuar ‘’konkurset e bukurisë’’ ndërmjet vajzave shumë të reja, nga të gjitha moshat, fëmijë të vegjël, gjë që çon vetëm në degjenerimin e tyre. Komunitetet e homoseksualëve ( të kritikuar nga myslimanët) inkurajohen dhe për ta janë vënë në dispozicion shkolla të veçanta. Sipas standardeve islame, kjo është një kontradiktë absurde.

Mjafton të themi se virgjëresha Marie, koncepti i së cilës për veshjen ishte ekzaktësisht i njëjtë me atë të një gruaje myslimane, dhe se imazhi i saj shumë i respektuar në Islam. Ajo është konsideruar e pastër, e shenjtë dhe e dëlirë deri në atë pikë sa një kapitull (sure) në të cilin ajo shfaqet dukshëm, e quajtur ‘’Merjem’’ është përfshirë në Kuran. Ajo është ikonë e përkushtimit dhe e besimit. Nëse do të jetonte në disa vende të perëndimit në ditët e sotme, ajo nuk do të lejohej të shkonte në shkollë apo gjente punë. Kjo analogji përligj refleksione serioze.

 

Të ngjashme

Back to top button